????????????????????????????????????
Pas skandalit në kompaninë telefonike ONE, ku persona të maskuar hynë brenda ambienteve në orët e para të 25 dhjetorit 2024 dhe ngjarja u mbajt e fshehur, kanë nisur edhe ndëshkimet e para.
VNA ka publikuar një email ku kompania ONE kërkon ndërprerjen e kontratës me shoqërinë fizike të sigurisë Nazeri 2000, ku disa prej punonjësve të saj janë nën hetim për moskallëzim të krimit.
“Të lutem merr parasysh të kemi gati herët nesër zgjidhjen e kontratës së Nazerit me 30 ditë lajmërim. Të fillojë menjëherë procesi i tenderimit. Më thuaj nëse të duhen detaje të tjera”, thuhet në mesazhin e dërguar.
Burimet konfirmojnë po ashtu se kanë nisur procedurat për largimin e punonjësve të vetë kompanisë. Por, pavarësisht këtyre lëvizjeve, që vijnë pas publikimit të skandalit dhe jo më herët, pyetja që mbetet ende pa përgjigje është: pse u fsheh ngjarja?
Kompania ONE reagoi një ditë më parë, por nuk shpjegoi në asnjë moment arsyet se përse nuk u lajmërua policia lidhur me faktin se dy të maskuar kishin hyrë në kompani. Së dyti, përse për më shumë se 3 muaj nuk u morën masa dhe vetëm pas rrjedhjes së informacionit në media filluan ndëshkimet e para.
Ndëshkime që ngjajnë se janë më shumë një përpjekje për të pastruar imazhin sesa për të zbuluar të vërtetën. Sepse e vërteta u përpoq të groposet që kur ngjarja nuk u raportua. Çfarë u fsheh në këtë histori? Kujt i interesonte kjo? Çfarë provash kishte në atë godinë dhe a u shkatërruan?
Ndoshta hetimi mund të hedhë dritë mbi këto pikëpyetje, ose ndonjë hetim që mund të nisë nga Budapesti.
SHIKO EDHE:
A do të hetojë SPAK edhe kompaninë ONE Albania si pjesë të dosjes së inceneratorëve pasi aty nxorri kokë Ilza Zoto , gruaja e Klodian Zoto ?
Veliaj kërkon sot daljen nga burgu, por një PËRGJIM i SPAK kur bënte planet me vëllanë i prish punë
Radha e One Albania të japë llogari për financimin e linçimit të prokurorëve dhe shkatërrimin e tregut mediatik
SPAK po heton ONE Albania për marrëdhënie korruptive me Erion Veliajn dhe kompaninë Gogel
Pas skandalit të mbetjeve toksike , KURUM përfshihet në kontrabandë solari ? VIDEOT që pritet të shkaktojnë “tërmet” në Elbasan
“Me Bajrat mos u ngatërro, je ose në burg ose në varr”, DOSJA E SPAK, si Suel Çela porosit Prekë Kodrën para se të kërkojë vrasjen e Ardjan Çapjes
