Prokuroria e Posaçme ka zgjatur me gjashtë muaj hetimet për kryetarin e Partisë së Lirisë, Ilir Meta, i arrestuar prej 21 tetorit 2024. Ish-presidenti akuzohet për lobimi në SHBA dhe dosjen “CEZ-DIA”.
Lajmin e konfirmoi sot avokati mbrojtës, Kujtim Cakrani, i cili dha edhe një deklaratë për mediat, duke u shprehur se do e ankimojnë vendimin dhe do e kundërshtojnë si të paligjshëm.
Ai pretendoi se Meta mbahet në mënyrë të paligjshme në paraburgim edhe pas më shumë se 7 muaj nga arrestimi dhe komunikimi tashmë i akuzës, duke u shprehur i befasuar nga vendimi më i fundit i organit të akuzës.
Sipas Cakranit, SPAK shprehet se po pret informacione dhe prova, një prej tyre një ekspertim për ish-vjerrën e Metës.
“Thonë se nuk janë mbledhur provat për të dhe e mbajnë në burg Presidentin e Republikës. Nuk janë mbledhur prova, nuk ka asnjë fakt pse mbahet dhe është absurde që presidenti qëndron në paraburgim. Presidentit i është komunikuar akuza, afati mbaron nesër, teksa SPAK e ka shtyrë me 6 muaj, erdha dhe më dhanë vendimin sot. Problemi qëndron pse mbahet presidenti ende në paraburgim, ai nuk është kundër hetimit dhe procesit, por pse mbahet?
Ju e dini pse mbahet, çështja është politike, edhe mënyra se si u arrestua ishte politike, sikurse edhe kryetari i Bashkisë së Stambollit. Presidenti Meta është rrëmbyer dhe SPAK-u është kthyer në një Prokurori politike. Hetimet kanë nisur 6 vitet më parë. Çështja hetohet nga Tirana dhe jo SPAK, por SPAK po të donte kishte hetuar policët që rrëmbyen presidenti. Inkuizicioni që po bëhet ndaj Metës është i paprecedentë në botë. Është e pamoralshme dhe joligjore ta mbash ende në paraburgim”, tha Cakrani.
SHIKO EDHE:
Të gjithë me xhupa të zinj, shokët e pritën Martinin për stërvitje por ai iku tragjikisht
Procedohet për nxitje dhune “Gazi Mashtruesi” i TikTok-ut! 16-vjeçari që jeton në SHBA shokoi rrjetin me deklaratat për vrasjen e Martin Camit
“I besuam edukimin e fëmijëve, por nuk arritën t’i mbronin as jetën”, qytetarët sërish protestë! (Ja kur do mbahet)
Dritëhijet për vr*sjen e Martin Canit, deputetja: Pse është kaq i rëndësishëm Klajdi Begaj që Policia po e mbron?
Dhëndri i Qefalinjve, Aleksandër Vasili i Al-Point merr leje për kullë 44 kate te “Treni” me 100 mijë lekë kapital, REKORDET negative të biznesmenit dhe të pathënat e Sun Moon Star
Kur është afati i fundi për ta marrë “bonusin e fundvitit”, ja data kur “digjet”…
