Kandidati në listën e hapur të PD-Aleancës për Shqipërinë Madhështore në zgjedhjet 11 majit në qarkun Durrës, Aulon Kalaja është paraqitur paraditen e sotme në ambientet e Prokurorisë së Posaçme. Mësohet se arsyeja e paraqitjes së Kalasë në SPAK është një padi në lidhje me pretendimin e tij se më 11 maj ka pasur krim zgjedhor, konretisht në qarkun Durrës.
Kalaja tha para mediave se në KAS ka dorëzuar 8 prova të reja dhe se mendonte që kishin detyrë të vijonin rinumërimin. Lidhur me gjetjen e këtyre provave Kalaja shton se KAS mendon se është gabim njerëzor, ai mendon që është krim zgjedhor. Ai theksoi se kërkon që votat të rinumërohen me pamje filmike.
“Rezultati im u ul me 105 diferenca, KAS vendosi në mënyrë të çuditshme që të ndërpresë numërimin, kur në Tiranë e Fier u rinumëruan të gjitha kutitë, për Durrësin u ndërprenë. Në KAS kam dorëzuar 8 prova të reja. Mendoj që kishin detyrë të vijonin rinumërimin.
KAS mendon se është gabim njerëzor, unë mendoj që është krim zgjedhor. Ndaj erdha sot në SPAK. Kam kërkuar që votat të rinumërohen me pamje filmike. Nëse shohim votat me pamjet filmike shohim manipulimin e saj. Kam kërkuar që SPAK të analizojë ngjyrën e rezultatit se si janë prishur votat e mia”, tha Kalaja.
SHIKO EDHE:
Veliaj kërkon lirinë, mbahet sot në Apelin e GJKKO seanca për kryebashkiakun
Arrestohet e dashura e Safet Bajrit, pronarja e “butikut” në Tiranë dyshohet se është përfshirë në vrasjen e Fatbardh Licit
Çunat e prindërve me lekë dhe ata të “shtëpive të barit” nuk p**rdhin për gjobat, eksperët sugjërojnë masa të tjera
Agron Duka: Ramën do ta kishim mundur duke pirë raki nëse s’do kishim bërë këto 3 gabime
SPAK kontroll në banesën e motrave Nikolli në Elbasan, ankohet Xhovana!
FOTO/ U ekstradua nga Milano, ky është “truri financiar” i bandës së Suel Çelës!
