Keni udhëtuar jashtë dhe po ktheheni në Shqipëri? Ja sa duhet të jetë vlera e mallrave që kaloni në kufi që të mos taksoheni nga Dogana 

Dogana shqiptare njofton se udhëtarët që vijnë nga një vend tjetër në Republikën e Shqipërisë përjashtohen nga detyrimet e importit për mallrat që gjenden në bagazhin e tyre personal.

Sipas njoftimit mallrat përjashtohen nëse, për nga lloji dhe sasia e tyre, nuk kanë për qëllim përdorimin tregtar. Përfitojnë përjashtim mallrat e përdorimit vetjak të udhëtarëve ose mallrat për dhurata.

DSH informon se vlera e mallrave që përfitojnë përjashtim (pa përfshirë këtu produktet e duhanit dhe alkolit) eshte sipas vlerës ekuivalente në lekë të shumave, si më poshtë:

·         Udhëtarët në rrugë tokësore: 300 euro për çdo udhëtar

·         Udhëtarët në rrugë ajrore ose në rrugë detare: 430 euro për çdo udhëtar

·         Për udhëtarët nën 15 vjeç: 150 euro

Sipas DSH gjatë hyrjes ose daljes nga Republika e Shqipërisë, udhëtari duhet të deklarojë mallrat nëse janë me vlerë më të lartë se kufiri përkatës i sipërpërmendur si dhe nëse janë për qëllime tregtare.

Autoritetet doganore mund t’i kërkojnë udhëtarit që të tregojë të gjitha mallrat që transporton.

Për mallrat me natyrë jo tregtare në bagazhin e udhëtareve që e tejkalojnë kufirin e pataksueshëm nga detyrimet doganore të importit, kryhet deklarimi doganor nëpërmjet procedurës së Deklarimit të thjeshtuar.

SHIKO EDHE:

Merr “çelsat” te Xhamia e Namazgjasë , Myftiu Gazment Teqja po ndërton pallat në Tiranë Mafia në veprim! Kriminale, si po zvarriten hetimet për mbetjet toksike të Kurum në Porto Romano, pse SPAK duhet të veprojë Mbyllet numërimi i diasporës, si u ndanë votat  Australiani i zhdukur prej 8 muajsh në Bjeshkët e Nemuna, familja kërkon ndihmë për të vazhduar kërkimet VJEDHJA/ Si fshihej fitimi- Drejtorët e “Bankers” i akorduan vetes miliona euro, emra fiktivë, paga të mëdha