Në seancën e sotme për procesin “Plumbi i artë” që po mbahet në GJKKO, po dëshmon bashkëpunëtori i drejtësisë Skerdi Tase.
Ai është pyetur nga prokurori i SPAK, Behar Dibra për atentatin e vitit 2017 ndaj tregtarit të naftës Aredin Behari.
Si porositës i dy atentateve në vitin 2017 dhe 2019 akuzohet Albert Pashaj, dhe do të kryhej nga “ushtari” i Nuredin Dumanit, Henrik Hoxhaj, të cilin e ka paguar 80 mijë euro.
Në dëshminë e tij, Tase ka rrëfyer se si është njohur me Henkrik Hoxhajn dhe përpjekjet për realizimin e atentatit ndaj tregtarit të naftës.
“Me Henrik Hoxhaj jam njohur nga një shok i përbashkët. Ky shtetas Viron Tavanxhiu na foli për një atentat që do i bëhej një personi në Fier. Henriku kishte siguruar një makinë, armët dhe i ishin vënë në ndjekje këtij personi. Ditën e ekzekutimit Henriku më tha se porositësi e kishte marrë në telefon dhe i kishte thënë pse po e vononi atë punë. I shkuam në lokal për ta qëlluar por u fut poshtë tavolinës e më pas brenda në lokal, nuk u futa më tej se isha pa doreza”, ka rrëfyer Tase.
Më tej, ai thotë se Viron Tavanxhiu e ka kontaktuar për të vrarë edhe Agim Boriçin në Fier.
“Vironi më ka kontaktuar edhe për të vrarë Agim Boriçin po në qytetin e Fierit. U realizuan veprimet në vitin 2018. Me Henrikun takoheshim përditë për të bërë planet. Riku më tha se kishte marrë edhe një punë tjetër për Aredin Beharin.” /korrieri
SHIKO EDHE:
SPAK arreston Ilir Metën
“Kurthi i Vdekjes”, si trafikantët po përdorin Gjermaninë për të ndihmuar refugjatët të shkojnë në Britaninë e Madhe
Atentati mafioz me tri viktima në Shkodër, shpallen në kërkim dy anëtarë të grupit Bajri
Turjan Hysko shpallet Investitor Strategjik, vëllai i ish-deputetit të PS merr mijëra metra tokë shtetërore falas
“Të paprekshmit” Suel e Mario “VËLLEZËRIT PERANDOR” të organizatës kriminale “Çela” në RRJETËN e SPAK!
Rama përgatitet për “prerje kokash” në Tiranë: Drejtori i UKT me 30 veta në zyrë, unë nuk kam as çerekun
