Prokuroria e Fierit thotë se ka dokumentuar me prova dyshimet për evazion fiskal dhe shmangie të detyrimeve tatimore nga ana e Bankers Petroleum.
Burimet pohojnë se pjesë e dosjes janë fatura fiktive të lëshuara ndër vite nga ana e kompanisë me kosto shpenzimesh të fryra dhe që për më tepër në shumicën e rasteve as janë kryer në terren.
Të dhënat që disponon prokuroria e Fierit janë të detajuara dhe sipas organit të akuzës, dëmi që i është shkaktuar buxhetit të shtetit nga ana e Bankers në dy dekada shkon të paktën 5.3 miliardë euro.
Anomalitë me shifrat e Bankers nuk janë edhe aq sekrete.
Bilancet vjetore, raportet e auditimit dhe raportet e gjendjes financiare që kompania vetë ka dorëzuar në Qendrën Kombëtare të Biznesit tregojnë shifra marramendëse shpenzimesh ndër vite për rritjen e kapacitetit të nxjerrjes së naftës.
Megjithatë, në të njëjtat raporte kapaciteti i nxjerrjes së naftës nuk është rritur. Si shembull, në vitin 2022, Bankers raporton në QKB se numri i puseve aktive ka qenë 597 dhe prodhimi mesatar ditor ishte 9273 fuçi.
Po për vitin 2022, Bankers thotë se ka shpenzuar 23 milionë dollarë vetëm për shpimin e pusve të reja, ndërsa në total raporton rënie të sasisë së naftës së nxjerrë nga puset që operon.
Një vit më vonë, Bankers raporton 580 puse aktive dhe prodhim mesatar ditor prej 8990 fuçisë, rreth 200 fuçi më pak se në vitin 2022.
Bankers thotë se në 2023 ka shpenzuar 24 milionë dollarë për shpimin e puseve të reja dhe riaktivizimin e puseve ekzistuese.
Në total, vetëm në dy vite Bankers Petroleum thotë se ka investuar gati 50 milionë dollarë për shpimin e puseve të reja, ndërsa kapaciteti prodhues ka qëndruar konstant.
Kjo skemë, sipas prokurorisë së Fierit, dyshohet se është shtylla e manovrave të mashtrimit të kompanisë ndër vite, që i ka shkaktuar buxhetit të shtetit miliarda euro humbje.
SHIKO EDHE:
Vrasja e Ardian Nikulajt, zbulohet origjina e pareve në financimin e krimit! Zbardhet dosja e policisë angleze
U plagos nga tritoli i vendosur në derën e motrave Nikolli, 29-vjeçari në gjendje kome, mjekët: Dëmtimi në kokë, shumë i rëndë
Mbrojtje nga SPAK dhe lobim në SHBA/ Kontrata, Erion Veliaj i parapagoi 300 mijë dollarë avokatëve amerikanë
Konflikt me armë zjarri në Kamëz, një i plagosur
Vrasja e studentes shqiptare, rrëqeth e ëma: E dija …
Piramida e ndërtimit, shqiptarët investojnë kursimet e jetës në gropa pallatesh që s’dihet KURRË a do ngrihen
