Pas ultimatumit të qartë të dhënë nga Kryeministri Edi Rama gjatë vizitës së tij në Bashkinë e Vlorës, të gjithë drejtuesit e drejtorive të varësisë lokale kanë paraqitur dorëheqjen pranë Kryebashkiakut Ermal Dredha.
Burime nga brenda Bashkisë bëjnë me dije se menjëherë pas largimit të Ramës nga ambientet e institucionit të enjten, Kryetari Dredha ka mbledhur të gjithë drejtuesit dhe ka kërkuar zyrtarisht dorëheqjen e tyre.
Ndërkohë, Kryeministri ka ngritur dy grupe pune për të çuar përpara procesin e reformimit dhe analizës së thelluar në nivel vendor:
Grupi i parë, i përbërë nga Bledi Çuçi, Vullnet Sinaj dhe Pirro Vengu, do të ketë në fokus analizimin dhe vlerësimin e performancës së drejtuesve rajonalë. Sipas Ramës, çdo drejtues që nuk ka kryer detyrën ashtu siç duhet, duhet të japë dorëheqjen, ndërsa zëvendësuesit e tyre do të kalojnë në një periudhë prove tre-mujore për të vërtetuar aftësitë e tyre.
Grupi i dytë, ku bëjnë pjesë Brisilda Çakerri, Zamira Sinaj dhe Evis Alushi, do të analizojë emrat e mundshëm për drejtuesit e rinj të Bashkisë së Vlorës.
Kryeministri ka kërkuar që deri më 15 korrik të përfundojë analiza për të gjithë drejtuesit, si dhe të jenë gati emrat konkretë për zëvendësimet, duke u bazuar edhe në propozimet që do të vijnë nga strukturat e Partisë Socialiste në Vlorë. /korrieri
SHIKO EDHE:
Trondit gazetarja: Ajola Xoxa, një fustan 35 mijë USD
“Abuzime me tanga, po ndonjë kostum Veliaj?”/ Bushati: Dosja e SPAK më shumë për Ajolën, se për Erionin
DOKUMENTET/ Provat që nxjerrin zbuluar vilën e Veliajt në Qerret dhe konflikti i interesit me Gentian Sulën e Agi Kons
Intimidoi dëshmitaren, gazetarja tregon pse Klotilda Bushka doli e nxirë nga SPAK
MISTERI/ Vrasja e palestinezes në Tiranë, si punonjësi i guidës gjeti trupin e pajetë të vajzës së re
SPAK thellon hetimet ndaj Veliajt, çfarë ndodhi në qeli dhe kush ishte personazhi VIP që hyri
