Partia Socialiste i ka bërë një kërkesë Komisionit të Ankesave dhe Sanksioneve sa i përket rinumërimit të votave për qarkun e Tiranës. PS kërkon që të llogariten si vota për kandidatët edhe rastet kur x ose y është vendosur jashtë kuadratit në fletë, ose përbri tij.
Kërkesa:
Subjekti zgjedhor Partia Socialiste e Shqipërisë ka ardhur në dijeni të vendimmarrjes tuaj gjatë procesit të rivlerësimit të votave për zonën zgjedhore qarku Tiranë, nga ku rezulton se fletët e votimit në të cilat shenja dalluese që shpreh vullnetin e zgjedhësit nuk është vendosur brenda kutisë, janë vlerësuar si të pavlefshme nga ana juaj, në kundërshtim me praktikën zgjedhore ndër vite, si dhe kuadrin ligjor. Referuar vendimit nr. 30, datë 25.04.2025, të Komisionit Rregullator për ‘Udhëzuesin punës për Komisionet e Zonave të Administrimit Zgjedhor dhe Grupet e Numërimit të Votave për zgjedhjet për Kuvendin e Republikës së Shqipërisë, në rastin kur shenja e zgjedhësit në fletën e votimit nuk ndodhet brenda kutisë që i korrespondon kandidatit përkatës të listës shumemërore, por shenja është bërë në mënyrë të tillë që e tregon qartë vullnetin e zgjedhësit, fleta e votimit konsiderohet e vlefshme.
Sa më sipër, duke qenë se vlerësimi i fletëve të votimit me shënimin si më lart si të pavlefshme, ndikon në numrin e votave të kandidatëve të listës preferenciale të subjektit zgjedhor Partia Socialiste, duke sjellë si pasojë ndryshimin e tyre në tabelën përmbledhëse, siç na ka rezultuar deri në këtë fazë, kërkojmë nga ju respektimin e kuadrit normativ rregullator dhe të praktikës të zbatuar deri më tani gjatë procesit të numërimit dhe vlerësimit të votave.
KAS pritet të marrë një vendim brenda ditës së sotme, teksa ende nuk ka një reagim nga ata. Sot është dita e tretë e procesit të numërimit, ku deri tani janë hapur 275 kuti nga 1282 në total.
SHIKO EDHE:
Parashikimi / Mësoni si do të jetë moti këtë fundjavë
VOA: Policia greke thellon hetimet për rrjetet shqiptare të drogës
DETAJET/ Sekuestrohen pasuri me vlerë mbi 1 milion euro të Redjan Rrajas dhe Kejvina Kthellës
Plagoset me thikë adoleshenti në Fier pas sherrit në Snap Chat
I vranë një nga një, kush ishte shqiptari i ekzekutuar dje në Athinë, grup kriminal me tre grekë. Të gjithë të eliminuar
Konfiskohen pronat e Alket Hatijës i njohur si “Zoti i drogës”!
