Një ditë pas zbulimit të magazinave ku stampoheshin me logo false një sërë veshjesh, Policia e Shtetit ka vendosur në pranga dhe një tjetër të përfshirë. Në pranga ka përfunduar Lindion Haka, djali i ish-kandidatit të Partisë Demokratike, Luan Haka. I riu ishte bashkadministrator i njërës prej magazinave ku kryhej procesi e falsifikimit të rrobave.
NJOFTIMI I POLICISË:
Policia e Shtetit
Vijon operacioni policor i koduar “Fake Star 5”. Lokalizohen dhe kapen të 2 shtetasit e shpallur në kërkim. Njëri prej tyre, shtetas turk që koordinonte procesin e stampimit me logo false të veshjeve të kontrabanduara. I ndaluari tjetër, bashkadministrator i njërës prej magazinave ku kryhej procesi. Dje, gjatë operacionit, u vunë në pranga 4 shtetas dhe u proceduan në gjendje të lirë 4 të tjerë.
Si rezultat i kontrolleve të kryera me mbështetjen e inteligjencës policore, në vijim të operacionit “Fake Star 5”, Sektori për Hetimin e Krimit Ekonomik dhe Financiar, në bashkëpunim me komisariatet e Policisë Nr. 3 dhe Nr. 4, lokalizuan, kapën dhe vunë në pranga shtetasin turk O.S., 46 vjeç, si dhe shtetasin L. H., 21 vjeç. Ata ishin shpallur në kërkim në kuadër të operacionit “Fake Star 5”, sepse dyshohet se janë përfshirë në veprimtaritë kriminale të magazinimit në 2 ambiente në fshatin Brrar, të veshjeve të kontrabanduara, të cilave iu stampoheshin logo false të markave të njohura ndërkombëtare. Materialet procedurale iu referuan Prokurorisë së Tiranës, për veprime të mëtejshme.
Në kuadër të operacionit “Fake Star 5”, ranë në pranga më 3 qershor, katër persona. Gjatë aksionit të djeshëm, janë sekuestruar një sasi e madhe veshjesh, dhjetëra makineri qepjeje, printimi ose stampimi, logo të markave të njohura ndërkombëtare, 6 dokumente të shtetasit turk, një shumë lekësh, njësi kompjuterike, 1 celular, si dhe sende/dokumente të tjera që do t’i shërbejnë hetimit.
SHIKO EDHE:
Foleja “sekrete”, Ajola Xoxa kërkon zhbllokimin e provave që SPAK sekuestroi te apartamenti i Mirton Likës në Sky Tower
“Shpërthimi” i Ramës LIVE në ‘Instagram’, Berisha: Lëre dr*gën se të merr shëndetin!
“Masakra” me fondet e shëndetësisë, Merita Sheqi e Rejsi Farma merr 8.5 mln euro pa garë
I arrestuar nga SPAK, dalin fotot e Veliajt nga kafazi i qelqtë
“Kam dhënë shpirtin për Harabelin”/ Ajola Xoxa reagon sërish
E besuara e Berishës në krah të Veliajt: Mund të gjykohet i lirë
