Në Qafën e Burrelit prej 3 ditësh tashmë vijojnë kërkimet për 29-vjeçarin Ardit Beshiri, i cili ishte duke punuar me eskavator kur një masiv i madh minerali dhe inertesh e zuri poshtë në fabrikën e përpunimit të Kromit. Ajo çka është gjetur deri sot janë vetëm disa copa të eskavatorit të shpërndara, por asnjë gjurmë nga 29-vjeçari.
Ushtria, banorët e zonës dhe punonjës të tjerë të fabrikës kanë dalë dhe kërkojnë trupin e të riut. Familjarët e të riut i kanë bërë apel institucioneve për intensifikimin e operacionit të kërkimit, duke theksuar se nevojiten pajisje më të specializuara dhe makineri të posaçme për të gjetur të afërmin e tyre. Sipas tyre, vetëm disa punonjës të autoriteteve me lopata nuk mjaftojnë për të gjetur trupin e të riut.
Në lidhje me këtë ngjarje të rëndë, Policia e Komisariatit të Matit arrestoi drejtuesin teknik të kësaj firme, 44-vjeçarin Ademir Lala për shkelje të rregullave të sigurimit teknik në punë. Ndërkohë prefekti i qarkut Dibër, Nezhmedin Shehu, u shpreh se po bëhen të pamundura për gjetjen e trupit, por është shumë e vështirë për shkak të volumit të madh të mineralit./korrieri
SHIKO EDHE:
Rama me ‘doktorin e mrekullive’: Ajo që ndodhi në Onkologjik nuk gëlltitej, tani mjekët do marrin leje për të punuar në privat
Kush është Ilir Proda, i besuari i Ervin Hoxhës për postin e kryepolicit, POR hija e SPAK rëndon mbi të
Ilir Proda merr detyrën, pritet “raprezalje” me drejtorët e policisë në qarqe
U qëllua në sy të të birit/ Ekzekutohet me armë zjarri 37-vjeçari shqiptar në Itali, zbardhet identiteti (Foto+Emri)
Samir Mane , njeriu i Millosheviçit Miroslav Miskovic dhe historia e oligarkut shqiptar që thotë se e nisi duke shitur qofte
Gjykata e Romës vendos për kthimin e emigrantëve të mbërritur drejt Italisë, pritet transferimi mëngjesin e së shtunës!
