PD tha se e kapi duke blerë vota, kush është Fiqiri Pali që mori pa garë tenderin 5.2 mln euro në Dibër dhe tani shëtit me Maybach

PD tha se e kapi duke blerë vota, kush është Fiqiri Pali që mori pa garë tenderin 5.2 mln euro në Dibër dhe tani shëtit me Maybach

Një ngjarje e tensionuar ndodhi mbrëmjen e kaluar në Maqellarë të Dibrës, ku përfaqësues të Partisë Demokratike ndaluan dy automjete duke akuzuar eksponentë të Partisë Socialiste për blerje votash në prag të zgjedhjeve të 11 majit. Në qendër të akuzave është biznesmeni Fiqiri Pali, pronar i kompanisë “Sireta 2F” me bashkëshorten Fatime Pali, një emër i njohur për fitimin e tenderave publikë në zonën e Matit dhe Dibrës.

Sipas burimeve nga vendngjarja, për më shumë se dy orë, mbështetës të opozitës bllokuan dy automjete në pritje të ndërhyrjes së policisë dhe prokurorisë. Situata u bë gjithnjë e më e tensionuar, me forcat e rendit që rrethuan zonën për të garantuar mbarëvajtjen e veprimeve procedurale.

Pas mbërritjes së prokurorit të rrethit Dibër dhe oficerëve të policisë gjyqësore, u krye kontrolli i automjeteve. Në një makinë të tipit Mercedes Maybach, e cila i përkiste biznesmenit Fiqiri Pali, u gjetën 4500 dollarë amerikanë, një paund britanik si dhe tollona nafte. Automjeti ishte i mbyllur dhe u desh të pritej për orë të tëra ardhja e shoferit për të dorëzuar çelësat. Në automjetin tjetër, ku ndodheshin ndër të tjera edhe persona të lidhur me shtabin politik të kandidatit të PS-së, Blendi Klosi, nuk u gjetën sende të paligjshme.

Prokuroria e rrethit Dibër ka urdhëruar sekuestrimin e celularëve të personave të përfshirë në incident dhe ka nisur hetimet nën dyshimet për “krim zgjedhor”.

Kush është Fiqiri Pali?

Fiqiri Pali është një nga biznesmenët më të preferuar për tenderat publikë në Mat dhe Dibër. Kompania e tij, Sireta 2F, ka përfituar një sërë kontratash me vlera të mëdha nga fondet publike, duke u kthyer në një emër të njohur në listat e tenderave fitues në këto zona.

Vetëm së fundmi, “Sireta 2F” ka fituar një kontratë të majme me vlerë 5.2 milionë euro për ndërtimin e ujësjellësit në fshatin Vakuf, Njësia Administrative Kastriot, Dibër.

Tenderi, me numër reference REF-10495-06-21-2024, ishte shpallur nga Shoqëria Rajonale Ujësjellës Kanalizime Dibër SH.A, dhe fondi limit i tij ishte 56,246,445 lekë pa TVSH, raportojnë mediat.

Angazhimi i një biznesmeni të tillë në një ngjarje të lidhur me dyshime për blerje votash ngre pikëpyetje serioze mbi pastërtinë e procesit zgjedhor në qarkun e Dibrës, si dhe mbi përdorimin e burimeve ekonomike të fituara përmes tenderave publikë në funksion të fushatave politike.

Ndërsa hetimet vazhdojnë, ngjarja pritet të ketë jehonë të gjerë politike, duke rënduar më tej klimën e tensionuar të fushatës elektorale pak ditë para votimit.

SHIKO EDHE:

Fitoi miliona euro nga shitja e armëve te ushtria shqiptare, Emiljano Dusha me MSSC nuk pagoi kokërr leku tatim mbi dividentin për 2023, SPAK heton tenderët  A do të hetojë SPAK edhe kompaninë ONE Albania si pjesë të dosjes së inceneratorëve pasi aty nxorri kokë Ilza Zoto , gruaja e Klodian Zoto ? Florenc Gjikuria merr 22 hektarë në malin e Çikës për ndërtimin e White Roads Hotel Vilë çiftit Meta – Kryemadhi , a nuk duhet të hetohet nga SPAK edhe biznesmeni Samir Mane për korrupsion aktiv ? DOSJA/ Pagesat e Vodafone , Monika tërbohet me shifrat dhe kërkon llogari nga Marin Gjonaj , Theodhori Çami dhe Adrian Shatku Orest Sota thirret në SPAK , ortakëria me Ergys Agasin apo Tom Doshi ?